Mradi wa DARAJA (Developing Risk Awareness Through Joint Action), unaofadhiliwa na GIZ/IKI Small Grants, ulilenga kupunguza athari za hali ya hewa kwa kurahisisha upatikanaji na kukuza uelewa wa taarifa za utabiri wa hali ya hewa kwa wakazi wanaoishi katika makazi holela. Kupitia Mradi wa DARAJA, Centre for Community Initiatives (CCI), Tanzania Federation for the Urban Poor – TFUP, na Mamlaka ya Hali ya Hewa Tanzania (TMA) walifanya mafunzo kwa walimu, shule na jamii katika makazi ya Kombo kuhusu taarifa za hali ya hewa.

Malengo ya Mpango wa Mafunzo:
Lengo kuu la mpango wa mafunzo lilikuwa kuongeza maarifa na uelewa wa walimu kuhusu taarifa za hali ya hewa. Mkazo ulikuwa katika kufanya taarifa za hali ya hewa zipatikane kwa urahisi, zieleweke, na ziwe rahisi kufuatwa na walimu, ili kuwawezesha kuwasilisha taarifa zinazohusiana na hali ya hewa kwa ufanisi kwa wanafunzi wao.